مینڈک کہانی - انجام

کنویں کا مینڈک کنویں سے آنکھوں میں بہت سے خواب لے کر نکلا تھا۔ ایسا خواب جو کنویں میں رہنے والے کسی بھی مینڈک نے پہلے نہیں دیکھے تھے۔ اسے وہ سارے خواب پورے کرنا پہلے بہت آسان سا لگتا۔ لیکن جیسے ہی وہ کنویں سے نکلا اسے بہت سی مشکلات کا سامنا کرنا پڑا۔ کنویں سے باہر کی دنیا ایک ایسی مسلسل دوڑ تھی جس میں ہر کسی کا چاہتے نہ چاہتے ہوئے بھی حصہ لینا ضروری تھا۔

باہر کی دنیا ایک ایسی مستقل دوڑ تھی جس میں بیٹھ کر سستا لینے کا کوئی تصور بھی نہیں کر سکتا تھا۔ تھک ہار کر یا سستی کی وجہ سے بیٹھ جانے والے دوڑ میں مسلسل بھاگتے رہنے والوں کے پیروں تلے کچلے جاتے تھے۔ مینڈک کچلا جانا نہیں چاہتا تھا، اسی لئے نہ چاہتے ہوئے بھی اس کو اس دور کا حصہ بننا پڑا۔ اس دوڑ میں کبھی وہ سب کو پیچھے چھوڑ دیتا اور کبھی اکیلا پیچھے رہ جاتا۔ کبھی کبھی اس دوڑ میں بھاگتے بھاگتے وہ اتنا مصروف ہو جاتا کہ اس کو احساس ہی نہ رہتا کہ وہ کیا کیا پیچھے چھوڑ رہا ہے۔

اس کی اگلی نسلیں بھی پیدا ہوتے ہی اسی دوڑ میں اس کے ساتھ شامل ہوتی چلی گئیں۔ اسے کسی ایسے لمحے کی تلاش تھی جس میں وہ رک سکے اور اگر رک نہ سکے تو کم از کم اپنا سانس بحال کر سکے۔ اسی لمحے کی تلاش میں زندگی گزرتی چلی گئی۔ دانستہ یا غیر دانستہ وہ اپنی اگلی نسلوں کو اس دوڑ میں جیتنے کے لئے مجبور کرتا چلا گیا۔ اسی دوڑ اور اس کو جیتنے کی جستجو میں اس کی زندگی گزر گئی۔

اب کنویں کا مینڈک بوڑھا ہو چکا ہے اور اب اسے وہ کنواں بہت یاد آتا ہے جسے وہ بہت پہلے چھوڑ آیا تھا۔ اس کا بہت دل چاہتا ہے کہ وہ کنویں کی طرف واپس لوٹ جائے۔ کبھی کبھی وہ جاتا بھی ہے پر اسے کنویں میں وہ آسائشیں نہیں ملتیں جن کا وہ عادی ہو چکا ہے۔ اس کا بہت دل چاہتا ہے کہ وہ کنویں کے مینڈکوں کے ساتھ بیٹھے، ان سے بات کرے پر اسے یہ احساس بہت شدت سے ہوتا ہے کہ کنویں میں مینڈک بہت پیچھے رہ گئے ہیں۔ وہ دیکھ سکتا ہے کہ کنویں کے مینڈک پیچھے رہ گئے ہیں پر وہ کچلے نہیں گئے۔ ان کنویں کے مینڈکوں نے اس دوڑ میں حصہ نہیں لیا جس میں اس نے اپنی زندگی گزار دی تھی اور وہ مطمئن ہیں۔ اب اسی کنویں کے مینڈک جس میں وہ پلا بڑھا تھا اسکی عزت بہت کرتے ہیں پر کچھ کچھ اجنبیوں والا سلوک کرتے ہیں۔

کنویں کا مینڈک چاہتا ہے کہ اسکی اگلی نسلیں اسی کنویں میں پلیں بڑھیں جس میں وہ پلا بڑھا تھا اور ویسے ہی پلیں بڑھیں جیسے وہ پلا بڑھا تھا، پر وہ جانتا ہے کہ اسکا یہ خواب پورا نہیں ہو سکتا۔ کنویں کا مینڈک اپنے آپ کو اسی شش و پنج مین پھر سے پا رہا ہے جس میں وہ بہت سال پہلے تھا جب اس نے کنویں کو چھوڑنے اور باہر نکلنے کا فیصلہ کرنا تھا۔

مینڈک کو اب کچھ کچھ احساس سا ہونے لگ گیا ہے کہ وہ اپنی اصل چھوڑ چکا ہے۔ وہی اصل جس کو کنویں کے مینڈک چھوڑنے سے ڈرتے تھے۔ مگر اب بہت دیر ہو چکی ہے۔ اب کنویں کے مینڈک کے پاس اس ایک غیر مطمئن زندگی گزارنے کے سوا کچھ نہیں ہے۔ کنویں کا مینڈک کنویں کو چھوڑ تو گیا ہے مگر پھر بھی مطمئن نہ ہو سکا۔

Kunwein ka maindak kunwey se ankho me bohhat se khwab ley kr nikla tha. Aise khwab jo kunwein me rehney waley kisi bhi maindak ne pehley nahi dekhey they. Usey wo saarey khwab purey krna pehley bohhat asaan sa lagta tha. Laikin jese he wo kunwein se nikla usey bohhat si mushkilaat ka saamna krna para. Kunwein se bahar ki dunya aik aisi musalsal dorr thi jis me har kisi ka chahtey na chahtey huey bhi hissa lena zaroori tha.

Bahar ki dunya aik aisi mustaqil dor thi jis me beth kr sasta lene ka koi tasawwur bhi nahi kr skta tha. Thak haar kr ya susti k baais beth janey waley dor me musalsal bhagtey rehney walo k pairo taley kuchley jatey they. Maindak kuchla jana nahi chahta tha isliye na chahtey huey bhi usko is dor ka hissa banna para. Is dor me kabhi wo sab ko peechey chor deta aur kabhi akaila peechey reh jata. Kabhi kabhi is dor me bhagtey bhagtey wo itna masroof ho jata k usko ahsaas he na rehta k wo kya kya peechey chor rha hai.
Uski agli naslein bhi paida hotey he isi dor me usk sath shamil hoti chali gaeen. Usey kisi aise lamhey ki talaash thi jisme wo rukk sakey aur agar rukk na sakey to kum az kum apna saans bahaal kr skey. Isi lamhey ki talaash me zindagi guzarti chali gai.  Daanista ya na daanista wo apni agli naslo ko us dor me jeetney k liye majboor krta chala gaya. Isi dor aur usko jeetney ki justujoo me uski zindagi guzar gai.
Ab kunwein ka maindak burha ho chukka hai aur ab usey wo kunwa bohhat yaad aata hai jisey wo bohhat pehley chor aaya tha. Uska bohhat dil chahta hai k wo kunwein ki taraf wapis laut jaye. Kabhi kabhi wo jaata bhi hai par usey kunwein me wo asaaishein nahi milti jinka wo aadi ho chukka hai. Uska bohhat dil chahta hai k wo kunwein k maindako k sath bethey, unse baat krey pr usey yeh ahsaas bohhat shiddat se hota hai k kunwein k maindak bohhat peechey reh gaye hein. Wo dekh skta hai k kunwein k maindak peechey reh gaye hein pr wo kuchley nahi gaye. Un kunwein k maindko ne us dor me hissa nahi liya jisme usne apni zindagi guzari thi aur wo mutmainn hein. Ab usi kunwein k maindak jisme wo pala barha tha uski izzat bohhat krtey hein pr kuch kuch ajnabiyo wala salook krtey hein.
Kunwein ka maindak chahta hai k uski agli naslein usi kunwein me palein barheyn jis me wo pala barha tha aur wese he palein barhein jese wo pala barha tha pr wo jaanta hai k uska yeh khwab poora nahi ho skta. Kunwein ka maindak apney aap ko usi shash o punj me phir paa rha hai jisme wo bohhat saal pehey tha jab usne kunwein ko chorney aur bahar niklney ka faisla krna tha. Maindak ko ab kuch kuch ahsaas sa honey lag gaya hai k wo apni asal chor chukka hai. Wohi asal jisko kunwein k maindak chorney se dartey they. Magar ab bohhat deir ho chuki hai. Ab kunwein k maindak k paas aik ghair mutmainn zindagi guzarney k siwa kuch nahi hai. Kunwein ka maindak kunwein ko chor to gaya hai magar phir bhi mutmainn na ho saka.

Coutesy Urdu Text: Rai Azlan 

II مینڈک کہانی

کنویں کا مینڈک کنویں میں رہ کر کبھی بھی مطمئن  نہیں رہا۔ باہر کی دنیا کی خبر نا ہونے کے باوجود اسکوہمیشہ ایک کمی سی محسوس ہوتی تھی۔ وہ کچھ کرنا چاہتا تھا۔ اس نیلے آسمان کو کچھ قریب سے دیکھنا چاہتا تھا۔ اسکی ایسی باتیں باقی مینڈکوں کو ہمیشہ مزاق ہی لگتی تھی پر اسے یقین تھا کہ وہ کچھ کر سکتی ہے۔ اس کے دیل میں ہمیشہ یہ خیال آتا تھا کہ اس کنویں سے آگے بھی کچھ ہے۔ کچھ بڑا اور کچھ بہتر۔ باقی مینڈک یہ بات کبھی نہیں سمجھ پاتے تھے۔

اسی طرح یہ مینڈک کسی دن اکیلا بیٹھا اپنے کنویں کو بہتر بنانے کی تراکیب سوچھ رہا تھا کہ اچانک باہر سے ایک مینڈک کنویں میں آ گرا۔ پوچھنے پر پتا چلا کہ وہ مینڈک باہر کی دنیا سے آیا ہے۔ سب نے پہلے تو ماننے سے انکار کر دیا کہ کنویں سے باہر بھی کوئی دنیا ہے۔ ان کے مطابق کنواں ہی انکی دنیا تھی۔ اس سے بڑا اور بہتر کچھ نہین ہو سکتا۔ باقی سب نے ماننے سے صاف انکار کر دیا پر اس مینڈک کو باہر کی دنیا کا سن کر بہت خوشی ہوئی۔ اسے خود پر یقین ہو گیا۔ اسے اپنا آپ یک دم باقی مینڈکوں سے بہتر لگنے لگا۔

باہر سے آئے ہوئے مینڈک سے سب مینڈک بہت دن دنیا کے بارے مین طرح طرح کے سوال کرتے رہے تاکہ اس دنیا کو بہتر طریقے سے جان سکیں۔ باقی مینڈکوں کو پھر بھی یقین نہ آیا کہ اتنی روشن اور بڑی جگہ بھی کوئی ہو سکتی ہے مگر اس مینڈک کو عجیب سی فتح کا احساس ہونے لگا۔ اسکو باہر کی دنیا کچھ کچھ ابھی تصوراتی دنیا کے قریب قریب لگنے لگی۔ اسے بہت خوشی ہوئی کہ اسکے خواب حقیقت سے بہت قریب ہیں۔ اسے اپنی قابلیت پر اور یقین ہو گیا۔ اسنے جیسے خود کو پہچان لیا ہو۔

باہر کی دنیا کا مینڈک تو کنواں چھوڑ کر چلا گیا پر اس کنویں کے مینڈک کو وہ پہلے سے کہیں زیادہ بے چین کر گیا۔ اب اسنے خواب دیکھنے سے زیادا یہ سوچھنا شروع کردیا کہ وہ کیوں اس باہر کی دنیا کا حصہ نہیں ہے۔ وہ کیوں اس کنویں میں رہتا ہے؟ اسمیں ایسی کیا کمی ہے جو وہ باہر سے آنے والا مینڈک کس طرح اس سے بہتر تھا۔ اسکا زندگی مزید بےچین ہو گئی اور اسی طرح کنویں کے ینڈک نے اس دینا کو قریب سے جانچنے کا فیصلہ کر لیا جو اسکی تصوراتی دنیا سے بہت حد تک قریب تھی

Kunwein ka maindak kunwein me reh kar kabhi bhi mutmainn nahi raha. Bahar ki dunya ki khabar na honey k bawajood usko humesha aik kumi si mehsoos hoti thi. Wo kuch karna chahta tha. Us neeley aasmaan ko kuch qareeb se dekhna chahta tha. Uski aisi baatein baaqi maindako ko humesha mazaq he lagti thi par usey yaqeen tha k wo kuch kar sakta hai. Us k dil mein humesha yeh khayal aata tha k is kunwein se aagey bhi kuch hai. Kuch bara aur kuch behtar. Baaqi maindak yeh baat kabhi nahi samjh paatey they. 

Isi tarah yeh maindak kisi din akaila baitha apney kunwein ko behtar banaaney ki tarqeebein soch raha tha k achanak bahar se aik maindak kunwein me aa gira. Poochney par pata chala k wo maindak bahar ki dunya se aaya hai. Sab ne pehley to maanney se inkaar kr diya k kunwein k bahar ki bhi koi dunya hai. Un k mutaabiq kunwa he unki dunya thi. Us se bara aur behtar kuch nahi ho skta. Baaqi sab ne maanney se saaf inkaar kr diya par is maindak ko bahar ki dunya ka sunn kr bohhat khushi hui. Usey khud par yaqeen ho gaya. Usey apna aap yukdum baaqi maindako se behtar lagney laga. 

Bahar se aaye huey maindak se sab maindak bohhhat din dunya k barey me tarah tarah k sawal krtey rhey taakey us dunya ko behtar tareeqey se jaan skein. Baaqi maindako ko phir bhi yaqeen na aaya k itni roshan aur bari jagah bhi koi ho skti hai magar is maindak ko ajeeb si fatah ka ahsas honey laga. Usko bahar ki dunya kuch kuch apni tasawuraati dunya k qareeb qareeb lagney lagi. Usey bohhat khushi hui k usk khwab haqeeqat se bohhat qareeb hein. Usey apni qaabliyyat pr aur yaqeen hogya. Usney jese khud ko pehchaan liya ho.

Bahar ki dunya ka maindak to kunwa chor kr chala gaya pr is kunwein k maindak ko wo pehley se kahi zyada beychain kr gaya. Ab usne khwab dekhney se zyada yeh sochna shuru kr diya k wo kyu us bahar ki dunya ka hissa nahi hai. Wo kyu us kunwein me rehta hai? Usme aisi kiya kami hai jo wo bahar ki roshan aur purr ronak dunya ka hissa nahi bun skta aur wo bahar se aaney wala maindak kis tarah us se behtar tha. Uski zindagi mazeed beychain ho gai aur isi tarah kunwein k maindak ne us dunya ko qareeb se jaanchney ka faisla kr liya jo uski tasawuraati dunya se bohhat hudd tak qareeb thi…

Urdu Text Courtesy: Rai M. Azlan